ચાઈનીસ એપ ટીકટોક વિડિયોથી પતિ-પત્ની વચ્ચે થઈ રહ્યાં છે ઝડડા, જુનાગઢમાં આવું થયું

જૂનાગઢ, 23 જૂન 2020

જૂનાગઢ શહેરમાં 181 અભયમ મહિલા હેલ્પલાઈનને પીડિત મહિલાનો રાત્રે ફોન આવતા 181 અભયમ મહિલા હેલ્પલાઇન ટીમ મદદે પહોંચી હતી. કાઉન્સેલીગ કરી પતિ પત્ની વચ્ચે સમાધાન કરાવ્યું હતુ.

જૂનાગઢ શહેરમાંથી 21 જૂન 2020 અડધી રાતે 181 અભયમ મહિલા હેલ્પ લાઇન નંબર પર ફોન આવતા કાઉન્સેલર કાજલબેન કોલડિયા, કોન્સ્ટેબલ કિરણબેન ચૌહાણ અને પાયલોટ રાજેશઈ ગઢવી તાત્કાલિક સ્થળ પર પહોંચી ગયા હતા.

પીડિત મહિલાની મદદે પંહોચતા જાણવા મળ્યું હતું કે, પીડિત મહિલાની દીકરીના ફ્રેન્ડનો બર્થ ડે હોય બન્ને મમ્મી દીકરી બર્થ-ડે પાર્ટીમાં ગયા હતા. રાતે પાર્ટીમાંથી પરત આવ્યા બાદ બર્થ-ડે પાર્ટીમાં શા માટે ગયેલા તે બાબતમાંથી માથાકૂટ કરી, ઝઘડો કરી અને મહિલાના પતિએ મારકૂટ કરી બંનેને ઘરની બહાર કાઢી મુકયા હતા.

જેના પગલે પીડિત મહિલાએ 181 અભયમ મહિલા હેલ્પ લાઇન ટીમની મદદ લીધી હતી. બન્ને પક્ષનું કાઉન્સેલિંગ કરતા જાણવા મળ્યું હતું કે, પીડિત મહિલા ચાઈનીસ મોબાઈ એપ ટીકટોક એપમાં વિડીયો બનાવતી હોય તેમના પતિને પસંદ ન હોવાના કારણે બંને વચ્ચે વારંવાર માથાકૂટ થતી હતી.

પીડિત મહિલાએ જણાવ્યું કે તેમના પતિ દારૂ પીને ઘરે આવીને ઝઘડો કરી હેરાન કરે છે. ઘણી વખત મહિલાના પિયર પક્ષમાંથી વડીલો દ્વારા પણ મહિલાના પતિને સમજાવવામાં આવેલ હતા પણ સમજતા ન હતા. ત્યારે ગઈ કાલે 181 ટીમ દ્વારા કાયદાકીય માહિતી આપવામાં આવેલી, સમજાવીને સમાધાન કરાવ્યું હતુ.આમ 181 અભયમની ટીમ દ્વારા આ મહિલાનો ઘરસંસાર તૂટતો બચાવ્યો હતો.