ઓફિસમાં બળાત્કાર કરી તેની વિડિયો ઉતારી બદનામ કરવાની ધમકી આપી

મહિલાઓની કામનાં સ્થળ ઉપર થતી જાતીય સતામણી અને ખોટી રીતે તેમની મજબુરીનાં લાભ લેવાનાં બનાવો વધતાં જાય છે. ગૃહ વિભાગ સદંતન નિષ્ફળ ગયો છે. ઓફીસમાં બોસ અથવા ઊપરી અધિકારીઓ દ્વારા મહિલા કે યુવતીઓને લાલચ આપી અથવા મજબુરીનો લાભ ઊઠાવવાનાં કિસ્સા બહાર આવતાં રહે છે. ખાનગી કંપનીઓમાં આવી સમિતિ બનાવવી કાયદા મૂજબ છે પણ કંપનીઓ મહિલાઓની સમિતિ બનાવતી નથી. છતાં રૂપાણી સરકાર કંઈ કરતી નથી.

અમદાવાદના વાડજ પોલીસ સ્ટેશનમાં નોકરી છોડીને જતી રહેલી પરણીતાને કામનાં બહાને પરત બોલાવી ઓફીસનાં સમય બાદ તેની સાથે મુકેશ વિરબહાદુર રાજપૂત (વસ્ત્રાલ)તે જબરદસ્તી શારીરિક સંબંધો બાંધ્યા હતાં. એક વખત મહિલાનો લાભ લીધા બાદ વિડીયો વાઈરલ કરવાની ધમકી આપીને તેની સાથે અવારનવાર શારીરિક સંબંધો બાંધ્યા હતા. જેનાથી કંટાળી ગયેલી મહિલાએ વાડજ પોલીસને ફરીયાદ કરી છે.

મૂળ જૂનાગઢની યુવતી ચારેક વર્ષ અગાઊ લગ્ન કરીને અમદાવાદમાં રહેવા આવી હતી. ૨૯ વર્ષીય આ યુવતીએ ઊસ્માનપુરામાં આવતી ક્રેડીટ કાર્ડ વેચવાની એક ખાનગી કંપનીમાં સેલ્સ એક્ઝીક્યુટીવ તરીકે નોકરી શરૂ કરી હતી.  મુકેશ વિરબહાદુર રાજપૂત (વસ્ત્રાલ) અન્ય એક વ્યક્તિ સાથે મળીને ઓફીસ ચલાવતાં હતાં. મુકેશ રાજપુત સમયસર પગારં ન ચૂકવતાં આ પરણીતાએ નોકરી છોડી દીધી હતી.

જા કે મુકેશે પરણીતાનાં પતિ સાથે વાત કરીને પતિની ઓફીસમાં જ કામ કરવા આપ્યું હતું. એક ક્રેડીટ કાર્ડ વેચતાં રૂપિયા ૮૦૦ આપવાની ઓફર કરી હતી. થોડા સમય બાદ મુકેશે ફરીથી નોકરી શરૂ કરવાની ઓફર કરતાં પરણીતાએ તે સ્વીકારી હતી. દરમિયાન એક દિવસ ઓફીસનાં સમય બાદ પરણીતા ઓફીસની અન્ય યુવતીઓ સાથે બસ સ્ટેન્ડે ઊભી હતી ત્યારે મુકેશે ફોન કરીને ચાવી આપવાનાં બહાને ફરી ઓફીસ બોલાવી હતી.

જ્યાં તેની સાથે જબરદસ્તીપૂર્વક શારીરિક સંબંધો બાંધીને તેનો વીડિયો ઊતાર્યાે હતો. બાદમાં મુકેશ અવારનવાર તેની સાથે ઓફીસમાં જ શારીરિક અડપલાં કરતો. ઉપરાંત વિડીયો વાઈરલ કરવાની ધમકી આપીને અવારનવાર પરીણીતાની મરજી વિરૂદ્ધ બળાત્કાર ગુજારતો હતો. વારંવાર બનતી ઘટનાથી ગભરાઈ ગયેલી પરીણીતાએ પોતાની મિત્રને વાત કરતાં તે પણ ચોંકી ઊઠી હતી અને સાંત્વના આપી હતી. બાદમાં પરીણીતા હિંમત કરીને પતિ સાથે વાડજ પોલીસ સ્ટેશનમાં બળાત્કારની ફરીયાદ કરવા પહોંચી હતી.