[:gj]કોરોના રોગચાળો રોગપ્રતિકાર શક્તિ અને સ્વસ્છતાની વસ્તુઓ, દવા બનાવતી કંપનીઓ માટે પૈસા કમાવવા માટેની એક શ્રેષ્ઠ તક બની ગઈ છે. રોગપ્રતિકાર વધારતા નવા ઉત્પાદનો કંપનીઓ લાવી રહી છે. એપ્રિલથી ઓગસ્ટ સુધીમાં, આ કંપનીઓએ ડઝનેક નવા ઉત્પાદનો લોંચ કર્યા છે. આમાં વનસ્પતિ અને ફળો, રોગપ્રતિકારક શક્તિમાં વધારો કરનારા રસ અને હળદરનું દૂધ અને આઈસ્ક્રીમ શામેલ છે.
ગ્રાહકોમાં રોગપ્રતિકારક શક્તિના બૂસ્ટર ઉત્પાદનોની માંગ વધી છે. તેની સામે કંપનીઓને ત્વચાની સંભાળ અને ઘરની સંભાળ જેવી કેટેગરીમાં વેચાણમાં ઘટાડો થયો છે. બાબા રામદેવની દિવ્ય ઔષધીએ સૌથી મોટો વેપાર 40 જેટલી પ્રોડક્ટમાં કર્યો છે, આ કંપનીએ અનેક નવા પ્રોડક્સ લોંચ કર્યા છે. લોકોની હવે ટેવ બલદાઈ ગઈ છે. ફેસ ક્રીમ કે મોજ શોખની વસ્તુના સ્થાને હવે જીવન બચાવે એવી વસ્તુઓ વધારે વેચાઈ રહી છે.
વિપ્રો કન્ઝ્યુમર કેર એન્ડ લાઇટિંગે સાબુ, હેન્ડવોશ, સેનિટાઈઝર, જંતુનાશક પદાર્થો, એન્ટી જંતુનાશક ડીટરજન્ટ અને ફેબ્રિક કન્ડિશનર લોન્ચ કર્યા છે. હળદરને લગતા આયુષ મંત્રાલયની ચાલી રહેલી સલાહના કારણે પણ તેનાથી સંબંધિત ઉત્પાદનોના લોકાર્પણને વેગ આપ્યો. અમૂલે હળદર આઈસ્ક્રીમ અને હળદરનું દૂધ લોન્ચ કર્યું. ડાબરના સીઈઓ મોહિત મલ્હોત્રાએ કહ્યું કે કોરોના રોગચાળો ફાટી નીકળ્યા પછી, અમે ત્રણ મહિનામાં 40 થી વધુ નવા ઉત્પાદનો શરૂ કર્યા.
તેવી જ રીતે, મેરીકોએ મધ, હળદર દૂધનું મિશ્રણ અને હળદર-આદુ દૂધ બજારમાં રજૂ કર્યું છે. આઇટીસી 5 મહિનામાં 40 નવા ઉત્પાદનો લોંચ કર્યા છે. આમાં શાકભાજી અને ફ્લોર ક્લીનિંગ ઉત્પાદનો અને રોગપ્રતિકારક શક્તિ લધારતાં પીણાં શામેલ છે. ગયા વર્ષે, કંપનીએ કુલ 60 નવા ઉત્પાદનો શરૂ કર્યા હતા.[:]
