જિયોના તમામ ફોન કોલ્સ સાવ મફત કરી દેવાયા, નવા વર્ષની ભેટ, ખેડૂત આંદોલન ફળ્યું

– જિયોથી થતા તમામ કોલ્સ, કોઈપણ નેટવર્ક પર, ભારતભરમાં કોઈપણ જગ્યાએ મફત
– ભારતના મહત્તમ સ્માર્ટફોન યુઝર્સ ફ્રી વોઇસ કોલ્સ, ફ્રી-વોઇસ નેશન

મુંબઈ, 31 ડિસેમ્બર 2020

ટેલિકોમ રેગ્યુલેટરી ઓથોરિટી ઓફ ઇન્ડિયા (ટ્રાઇ)ની સૂચના મુજબ, દેશમાં 1લી જાન્યુઆરી 2021થી બિલ અને કીપ પ્રથા લાગુ કરવામાં આવી રહી છે, જેથી તમામ ઘરેલુ વોઇસ કોલ્સ માટે ઇન્ટરકનેક્ટ યુઝર્સ ચાર્જ (આઈયુસી) સમાપ્ત થાય છે. ઓફ-નેટ ડોમેસ્ટિક વોઇસ કોલ ચાર્જને શૂન્ય થતાંની સાથે જિયો ફરી 1 જાન્યુઆરી 2021થી, બધા ઓફ-નેટ ડોમેસ્ટિક વોઇસ કોલ્સને મફત બનાવશે. ઓન-નેટ ડોમેસ્ટિક વોઇસ કોલ્સ હંમેશા જિયો નેટવર્ક પર ફ્રી રહે છે.

સપ્ટેમ્બર 2019ના સંદર્ભમાં, જ્યારે ટ્રાઇ દ્વારા બિલ એન્ડ કીપ પ્રથાના અમલીકરણ માટે 1 જાન્યુઆરી 2020ની સમયમર્યાદા વધારવામાં આવી ત્યારે, જિયોને તેના ગ્રાહકો પાસેથી ઓફ-નેટ વોઇસ કોલ્સ માટે આઈયુસી ચાર્જને સમકક્ષ ચાર્જ લાગુ કરવા સિવાય કોઈ વિકલ્પ બચ્યો ન હતો. આમ કરતી વખતે, જિયોએ તેના વપરાશકર્તાઓને ખાતરી આપી હતી કે, આ ચાર્જ ફક્ત ત્યાં સુધી જ ચાલુ રહેશે જ્યાં સુધી ટ્રાઇ દ્વારા આઈયુસી ચાર્જ નાબૂદ કરવામાં આવે.

VOLTE જેવી અદ્યતન ટેક્નોલોજીનો લાભ મળે છે. જિઓ સામે ખેડૂતો આંદોલન કરી રહ્યાં છે.