મહામારીની દરરોજ ગામને સૂચના આપે છે, આધુનિક બુંગીયો, લાઉડસ્પીકર

પાલીતાણા, 12 મૅ 2020
લોકોપયોગી સૂચનાઓ પાલીતાણાના સાંજણાસરના ગ્રામજનોએ વિકસાવેલો આધુનિક બુંગીયો આપે છે.
પહેલાના જમાનામાં કોઈ અગત્યની સૂચના આપવા ગામની મધ્યમાં ઢોલ વગાડી લોકોને તેની જાણ કરવામાં આવતી જેને બુંગીયો ઢોલ કહેવામાં આવતો. આધુનિકતા ઉમેરી ઉભી કરાયેલી કંઈક આવીજ વ્યવસ્થા સાંજણાસર ગામમા છે.

ભાવનગર જિલ્લાના પાલીતાણાના સાંજણાસર ગામે સુચનાના આદાન-પ્રદાનની તેમજ જનસંપર્કની જે વ્યવસ્થા ઊભી કરાઇ છે તે ભારતભરમાં પ્રેરણાદાયી બની શકે છે.
ગામના દરેક ચોકમાં રૂ.1.10 લાખના 12 લાઉડ સ્પીકર લગાવવામાં આવ્યા છે. ગ્રામ પંચાયત કચેરીએથી માઈક વડે અપાતી લોકોપયોગી સૂચનાઓ કે કોઈ અગત્યનો સંદેશો ગામના તમામ લોકો સુધી પહોંચી જાય છે.