વિશ્વ નર્સિંગ દિવસ : એની ક્રિશ્ચિયન, ગોત્રી હોસ્પિટલમાં 78 નર્સ-બ્રધર્સ સાથે કોરોનાના ચેપી દર્દીઓની સેવા કરે છે

વડોદરા, 11 મે, 2020

કૉવિડ-19 મહામારી સામે મોખરાનો મોરચો સંભાળી ને લડનારાઓમાં નર્સિંગ સમુદાય મોટો છે. 12 મી મે ના રોજ વિશ્વ નર્સિંગ દિવસ ઉજવી ને આ સમુદાયની સેવા નિષ્ઠાને આદર આપવામાં આવે છે. વડોદરાની સરકારી ગોત્રી હોસ્પિટલ ખાતે સ્ટાફ નર્સ તરીકે કાર્યરત એની જોય ક્રિશ્ચિયન એ નર્સિંગની અદભૂત સેવા નિષ્ઠાનો ઉજ્જવળ દાખલો રજૂ કર્યો છે. નર્સિંગ એક નોબલ પ્રોફેશન છે. દીકરા વગર એકલવાયા રહી ફરજ બજાવતા એની આ સમગ્ર સમુદાયની સેવા નિષ્ઠાનું ધ્રુવ તારક જેવું ઉદાહરણ છે.

એની કૉવિડ હોસ્પિટલમાં એની ને સોંપવામાં આવેલી ફરજો તે અદા કરી શકે એ માટે તેણે પોતાના માત્ર 15 મહિના ના માસૂમ દીકરા એલન ને હૈયું કઠણ કરીને 80 કિમી દૂર જાંબુઘોડા માં નાનીમાં પાસે મૂક્યો છે. એની કહે છે કે,જન્મ આપ્યો ત્યારબાદ પહેલીવાર એલન ને મારા થી 25 દિવસ દૂર રાખ્યો છે.જો કે એનો રંજ નથી કારણ કે મેં જે સેવા વ્યવસાય સ્વીકાર્યો છે એના માટે મમતા નો ભોગ આપવો જરૂરી છે. એની એ આમ તો સાત દિવસની કોવીડ ફરજો પૂરી કરી છે. એ પછી સાત દિવસની ઘર બંધીનું પાલન કરીને હાલમાં ગોત્રી જનરલ હોસ્પિટલના એન.આઇ.સી.યુ.માં તે ફરજો બજાવી રહ્યાં છે. પરંતુ દીકરા એલન ને હજુ જાંબુઘોડામાં નાની પાસે જ રાખ્યો છે.

એની કહે છે કે, દર્દીઓની સંખ્યા વધે તો રિપીટ રોટેસન પ્રમાણે ફરી થી કૉવિડ ની ફરજો બજાવી પડે એટલે હાલમાં હૈયું કઠણ કરીને લાડકવાયા દીકરાને નાનીમા પાસે જ રાખ્યો છે.મારા પતિ પણ નોકરી કરતાં હોવા થી અન્ય કોઈ વિકલ્પ નથી.

દર્દીને સ્વજન ગણીને સેવા સુશ્રુષા કરવી જોઈએ એવી લાગણી વ્યક્ત કરતાં એની જણાવે છે કે દીકરાને દૂર રાખવો પડે એવા સંજોગોમાં ઈમોશનલ થઈ જવાય તો પણ અમે ખંત થી સેવા કરીએ છે.દર્દીને સારવાર સાથે ધરપત આપવા થી એનું મનોબળ વધે છે અને એ ઝડપ થી રોગમુક્ત થાય છે.સારવારની સાથે દર્દીના દુઃખને હળવું કરવું એ અમારા વ્યવસાયનો સંકલ્પ છે.

અત્યાર સુધીમાં ગોત્રીની ખાસ કૉવિડ હોસ્પિટલમાં રોટેશન અનુસરીને કુલ 345 સ્ટાફ નર્સ અને બ્રધર્સ દ્વારા સેવાઓ આપવામાં આવી છે. અહી ત્રણ શીફટમાં ચોવીસે કલાક નર્સિંગ સ્ટાફ કામ કરે છે અને દરરોજ 78 નર્સિંગ સ્ટાફ ફરજ બજાવે છે.

આ પૈકી એક શિફ્ટમાં 16 આઇસીયુ અને આઇસોલેશન વોર્ડમાં અને 10 ઓપીડી અને કવો. ફેસીલિટી માં સેવા આપે છે. નર્સિંગ સ્ટાફના સિસ્ટરસની સાથે બ્રધર્સ પણ કાર્યરત છે. ગોત્રી હોસ્પિટલના 325 ઉપરાંત જમનાબાઈ અને મનોરોગ હોસ્પિટલના 25 લોકો હાલમાં અહીં ફરજ પર મૂકવામાં આવ્યા છે.