વાવાઝોડા પહેલા આંબા પરથી કેરી ખરી ગઈ, ખેડૂતોને 2 હજાર કરોડના નુકસાનની અંદાજ

ગાંધીનગર, 17 મે 2021

વાવાઝોડું ત્રાટકે તે પહેલાં ભારે પવનથી આંબાના વૃક્ષો પરથી કેરીઓ ખરી પડી છે. જેથી ખેડૂતોને પારાવાર નુકસાન થયું છે. રૂપિયા 6 હજાર કરોડ જેટલી કેરી પાકે તેવો અંદાજ હતો. જેમાં 50 ટકા કેરી આંબા પરથી ઉતારીને બજારમાં વેચી હોવાનું ખેડૂતો જણાવી રહ્યાં છે. આમ રૂપિયા 3 હજાર કરોડની કેરી વેચાઈ ગઈ હતી. હવે 3 હજાર કરોડની કેરી આંબા પર હતી. જેમાં રૂપિયા 2000થી 2200 કરોડ રૂપિયાની કેરીનું નુકસાન ખેડૂતોને થયું હોવાનું અનુમાન ખેડૂતો વ્યક્ત કરી રહ્યાં છે.

આ વર્ષે ગુજરાતના તમામ વિસ્તારોમાં 1.66થી 1.70 લાખ હેક્ટરમાં કેરીના બગીચા
છે. જેમાં 12 લાખ મેટ્રિક ટન કેરી પાકવાનો અંદાજ હતો. જોકે જેમાં 40થી 50 ટકા કેરી વેચાઈ ગઈ છે.

5 મે 2021ના દિવસથી ગુજરાતનું સૌથી મોટું તાલાલા કેરી બજાર થયું તેને હજું 12 દિવસ થયા ત્યાં વાવાઝોડું આવ્યું છે. 30થી 44 દિવસ માટે જ આ બજાર ખુલે છે.
સરેરાશ ભાવ રૂપિયા 450નો રહ્યો છે. 2020માં 10 કિલોના 6.78 લાખ બોક્સ, 2019માં 8.30 લાખ પેટી કેરી વેચાઈ હતી. તાલાલામાં લગભગ રૂપિયા 30 કરોડની કેરી વેચાય છે. તાલાલા બજારની બહાર 3 ગણી પેટી ખાનગીમાં વેચાય છે. આમ તાલાલામાં 100 કરોડની આસપાસ કેરીનો વેપાર હોય છે. જે બહારના પ્રદેશમાં બે ઘણા ભાવે વેચાય છે.

કેરીનો પાક આ વખતે ઓછો હતો. અવીરત ઠંડી, વારંવાર વાતાવરણમાં પટલો, 3 ભારે પવન વાળા વાવાઝોડા આવી ગયા છે. હવે ચોથુ વિનાશક વાવાઝોડું આવી ગયું છે. જેમાં પારાવાર નુકસાન થયું છે.

આંબા પરથી 50 ટકા જેવી કેરી ઉતરી ગઈ હોવાનું ખેડૂતો જણાવી રહ્યાં છે.  50 ટકા કેરી આંબા પર હતી તે 98 ટકા ખરી ગઈ છે. ખરેલી કેરીનો ભાવ 50 ટકા માંગ મળતો હોય છે. જે મોટા ભાગે તો નકામી જાય છે.

ગુજરાતમાં કેરીના બગીચા, સૌરાષ્ટ્ર અને કચ્છમાં કેસર કેરી પાકે છે. બગીચા મોટાભાગે આખા વેચી દેવામાં આવે છે. ખરીદનારા મોટા ભાગે મજૂર વર્ગ હોય છે. તેઓ આંબા પરથી કેરી ઉતારીને બજારમાં વેચવા મોકલે છે. ખેતરના માલિકને આખા બગીચાનો ભાવ નક્કી કરીને તે આપી દેવામાં આવતા હોય છે. જોકે, વાવઝોડું આવતાં ખેડૂતોને તેમના બગીચાની પૂરી રકમ નહીં મળે.

આમ એકંદરે રૂપિયા 2 હજારથી 2200 કરોડની ખોટ ખેડૂતો કે તેના કોન્ટ્રાક્ટરને ગઈ છે. 2 હજાર કરોડનું નુકસાન ખેડૂતોને થયું છે તે સરકારે આપવું જોઈએ એવું ખેડૂતો માને છે. કારણ કે વાવાઝોડુ એ ડીઝાસ્ટર છે.

કેરી ફળ પર વરસાદનાં છાંટા પડે એટલે તે ખરાબ થઈ જાય છે. આંબા પરથી કેરી નીચે પટકાય એટલે પોચી થઈ જાય અને ફળ ખરાબ થઈ જાય છે. વૃક્ષ પરથી નીચે પટકાયેલી 90 ટકા કેરી નકામી થઈ જાય છે.

રાહુલ કચ્છડ કહે છે કે હાલ અત્ર તત્ર સર્વત્ર કેરીનું ભારી નુકશાન જોવા મળેલ છે તાલાલા ગીર જે કેસર કેરીનું ઘર ગણાય ત્યાં માત્ર 30% ખેડુતો જ પોતાની કેરી હજુ ઉતારવાની શરૂઆત કરી છે કેમ આ વખતે કેરીમાં મોર બેસવાની શરૂઆત હતી ત્યાંજ એક માવઠું થયેલ જેનાથી કેરીના મોરમાં ભારી નુકશાન જોવા મળેલ અને રોગ જીવાત નો ઉપદ્રવ ના કારણે ખેડૂતો એ દવાઓનો ખુબજ ખર્ચો કરેલ અને હાલ આ વાવા જોડા થી પડ્યા મોર પાટુ જેવું થયું છે હજી આવક ચાલુ થવાની હતી ત્યાં જ આ માવઠા થી તાલાલા ગીર, નવસારી, વલસાડ, જેવા કેરી ના હબ ગણાતા વિસ્તારમાં 70 % નુકશાન થયેલું જોવા મળે છે.

માણાવદર વિસ્તારના ખેડૂત સંજય ભૂત કહે છે કે, વંથલી અને જૂનાગઢ વિસ્તારમાં આંબા પર હજુ 80 ટકા કેરી છે. ફાલ મોડો આવ્યો હોવાથી કેરી મોડી આવી છે. જે તમામને નુકસાન છે.

17 મે 2021
ગુજરાતમાં વાવાઝોડાથી ખેડૂતોને કેરીમાં નુકસાન કરોડ રૂપિયામાં
કિલોનો ભાવ રૂ.50 ગણતાં			અંદાજીત	નુકસાની
	જિલ્લાની	હેક્ટર	ઉત્પાદન	રૂપિયામાં
જિલ્લો	કૂલ જમીન	વાવેતર	મેટ્રિક ટન	કરોડમાં
સુરત	251300	10049	65319	40 – 45
નર્મદા	113000	3575	26634	30-33
ભરૂચ	314900	2933	24931	30 – 35
ડાંગ	56500	5188	35382	70-80
નવસારી	106800	33504	294835	500-600
વલસાડ	164300	36435	247758	400-500
તાપી	149100	5962	53360	100-125
દક્ષિણ ગુ.	1663700	97646	748218	1170થી1300
અમદાવાદ	487400	283	1384	1.50-2
અણંદ	183800	2255	14207	15-20
ખેડા	283500	620	6721	1-1.25
પંચમહાલ	176200	1720	10492	10થી 12
દાહોદ	223600	3062	16106	10થી15
વડોદરા	304700	4142	28414	15થી20
મહિસાગર	122400	831	4853	0
છોટાઉદેપુર	206600	2080	13728	10થી 20
મધ્ય ગુ.	1988200	14993	95904	43થી50
બનાસકાંઠા	691600	616	3240	4થી5
પાટણ	360400	105	540	0
મહેસાણા	348100	1049	5245	5થી 9
સાબરકાંઠા	271600	425	2155	5થી10
ગાંધીનગર	160200	1101	6804	8થી10
અરાવલી	202700	807	3720	4થી5
ઉત્તર ગુજ.	2034600	4103	21704	36થી40
કચ્છ	733500	10475	64421	80થી100
સુરેન્દ્રનગર	621000	250	1125	0
રાજકોટ	536300	75	580	0
જામનગર	366200	460	2806	3થી6
પોરબંદર	110900	355	2947	3થી5
જૂનાગઢ	358700	8675	58123	140-150
અમરેલી	538200	7291	62630	150-160
ભાવનગર	454700	5875	48271	130-150
મોરબી	347000	88	562	0
બોટાદ	199700	4	21	0
સોમનાથ	217000	16005	114436	270-300
દ્વારકા	229600	87	542	0
સૌરાષ્ટ્ર	3979300	39141	292043	700થી
ગુજરાત કૂલ	9891500	166358	1222291	2000થી2200
હાલ 30-50 ટકા માલ વેચાઈ ગયો હોવાનો અંદાજ છે.