ખનિજ લૂંટી જતી ઓવરલોડ 25 હજાર ટ્રકો પકડાઈ, હપ્તો લઈને 2 લાખ જવા દેવાઈ

ગાંધીનગર, 25 માર્ચ 2021
કોંગ્રેસ પક્ષના ધારાસભ્‍યઓએ સામૂહિક રીતે 25 માર્ચ 2021ના રોજ વાહનવ્યવહાર પ્રધાન રણછોડ ફળદુને આકરાં પ્રશ્નો પૂછીને ગુજરાતના લોકોના પૈસા બચાવવાના હિતમાં જવાબો મેળવ્યા હતા.

ઓવરલોડ માટી, રેતી તથા કપચી ભરી જતાં ડમ્પરો બે વર્ષમાં 25149 પકડવામા આવ્યા હોવાનું બહાર આવ્યું છે.
સુરત, દેવભૂમિદ્વારકા, નર્મદા, બનાસકાંઠા, પંચમહાલ, તાપી, મોરબી, છોટાઉદેપુર અને કચ્છ જીલ્લામાં વર્ષ 2019 કરતાં 2020માં વધુ ડમ્પરો પકડાંયા છે.

તેમાં તાપી અને કચ્છ જીલ્લામાં 2019 કરતાં 2020માં ત્રણગણાં વધુ ડમ્પરો પકડવામાં આવ્યા છે. કોરોના મહામારી સૌને નડી છે પરંતુ ખનિજ માફીયાઓ કોરોનાકાળમાં પણ બેફામ બન્યા છે.

નદી માતાની ભાજપ સાબરમતીમાં આરતી ઉતારીને પૂજા કરે છે. પણ તે જ નદીની રેતી ચોરી કરાવે છે. જિલ્લાના ભૂસ્તરશાસ્ત્રી કે જિલ્લા ખાણ ખનિજ વડાને મહિને રૂ.30 લાખથી લઈને રૂપિયા 3 કરોડની કમાણી થાય છે. તે કમાણીનો હિસ્સો ગાંધીનગર સુધી પહોંચે છે.

બિલ્ડરો કહે છે કે જે પકડાયા છે તે 1 ટકો છે. 99 ટકા તો છટકી જાય છે. આવા 2 લાખ ટ્રકો કે ડેમ્પરો પકડાતા ન હોવાનું વિભાગના પ્રામાણિક અધિકારીઓ માને છે.

વાભાગના રાજ્ય કક્ષાના વાહન વ્યવહાર પ્રધાન ઇશ્વરસિંહ પટેલ છે. જ્યારે વિભાગના અધિક મુખ્ય સચિવ અને અગ્ર સચિવ એમ બે હોદ્દા પર કમલ દયાની છે. તે પણ બન્ને હોદ્દા પર તેઓ ઈન્ચાર્જ તરીકે છે.

વિભાગના બીજા અધિકારીઓમાં બંદરો અને વાહન વ્યવહાર વિભાગ, બ્લોક નં. 2, રજો માળ, સચિવાલય, ગાંધીનગરમાં અધિક મુખ્ય સચિવના રહસ્ય સચિવ આઇ એ નાગોરી, નાયબ સચિવ પ્રકાશ મજમુદાર, આર. વી. ભટ્ટ, બી જે ગાવીત, એ પી મકવાણા, બી જી પટેલ, આર ઓ રાઠવા, પી ડી સોલંકી , બી એમ ચૌધરી, બી ડી મોદી છે.

છેલ્લા બે વર્ષમાં રૂા.212 કરોડની ખનિજ ચોરી પકડાઇ હતી પણ માત્ર 10 પોલીસકેસ કરવામાં આવ્યા હતાં. આમ, રેતી-ખનિજ માફિયાઓ પ્રત્યે સરકારનુ કુણું વલણ રહ્યુ છે તેવુ ચિત્ર સ્પષ્ટ થયુ છે.

વિધાનસભામાં વર્ષ 2019માં 171 વખત અને વર્ષ 2020માં 127 વખત દરોડા પાડવામાં આવ્યા હતા.

એશિયાનો સૌથી મોટો લાઇમસ્ટોનનો જથૃથો છે તે પોરબંદર જિલ્લામાં અગાઉ 500 કરોડની વધુની ખનિજ ચોરી પકડાઇ ચૂકી છે. તે પોરબંદર જિલ્લામાં વર્ષ 2019માં એકેય દરોડો પાડવામાં આવ્યો નથી. વર્ષ 2020માં એક જ દરોડો પાડયો હતો તે સરકારે ખુદ કબૂલ્યુ છે. ભાજપના પોરબંદરના નેતા અને ધારાસભ્ય બાબુ બોખીરિયાને ખાણમાં ગેરદાયકે ખોદકામ કરવાના રૂ.130 કરોડના દંડના ગુનામાં ગુજરાત સરકારે બચાવી લીધા છે.

ભૂસ્તર શાસ્ત્રી ર્ગ-2ની 55 જગ્યાઓ મંજૂર થયેલી છે તે પૈકી 28 જગ્યા ખાલી છે. આમ,ભૂસ્તરશાસ્ત્રીની કુલ 50 ટકા જગ્યાઓ ખાલી રહી છે. આ જગ્યાઓ ખાલી હોવાના કારણે ખનિજ માફિયાઓ બેફામ બન્યાં છે.

	ખનિજ ચોરી કરતાં ટ્રકો-ડંપરો પકડાયા
		2019	2020	કૂલ
૧	આણંદ	639	70	709
૨	ભાવનગર	379	112	491
૩	નવસારી	736	524	1260
૪	વલસાડ	528	186	714
૫	મહેસાણા	1022	570	1592
૬	પાટણ	556	343	899
૭	વડોદરા	1069	245	1314
૮	સુરત	962	1133	2095
૯	રાજકોટ	149	93	242
૧૦	પોરબંદર	79	43	122
૧૧	જામનગર	233	107	340
૧૨	દેવભૂમિદ્વારકા	41	81	122
૧૩	નર્મદા	90	246	336
૧૪	ડાંગ	208	0	208
૧૫	બનાસકાંઠા	124	231	355
૧૬	કચ્છ	305	989	1294
૧૭	અમદાવાદ	2520	1835	4355
૧૮	બોટાદ	100	70	170
૧૯	દાહોદ	295	183	478
૨૦	પંચમહાલ	371	495	866
૨૧	અમરેલી	284	78	362
૨૨	ગાંધીનગર	476	326	802
૨૩	તાપી	11	81	92
૨૪	ગીરસોમનાથ	278	107	385
૨૫	જૂનાગઢ	217	78	295
૨૬	અરવલ્લી	629	203	832
૨૭	સાબરકાંઠા	1206	514	1720
૨૮	સુરેન્દ્રનગર	363	266	629
૨૯	મોરબી	113	127	240
૩૦	છોટાઉદેપુર	131	199	330
૩૧	ભરૂચ	413	226	639
૩૨	મહીસાગર	202	137	339
૩૩	ખેડા	423	99	522
	કુલ	15152	9997	25149